TEGA-YI TAGHUCT.
Tagwit a tawargit ad i-tezdut
Ar i-teggart itnan a kem ur zhugh
Ar i-teggart aàban ad digem ur bdugh
Ussan inu ad ten aha ur hettugh
I tatsa n imi iffegh uferrugh
Azgen winnem d win uzdugh
Azgen d isulen win igdem d uferrugh
A yg win wussan ig ten-itfar wulugh
Negh win yites ig t-ikkusa ucellux
Tawargit ittemghayen ad am-trugh
Ur am-ghiygh i wul inew a kem-ssugh
Ffegh-d s tafuyt taft mag illa uferrugh
Ur ifki Rebbi ghes ayt gar umugh
N wussan widda g immut wundugh
Ur salan ghes tirkwa d wulugh
Iqqim unezgwum ad t aha kettugh
Ixater ur igi win ad t-ttutugh.
AD ID-UR-TEZZULLUMT .
Ad id-ur-tezzullumt a tamazirt ,zrigh
Ma kem-yaghen a tagujilt ,ur t-righ
Ad ssidergh awal nnem a ghef d-luligh
Asigh gegh isem nnem nna righ
Iswingimen nnem a ghef zligh
Kegh i tafuyt d utfel ag ghwerigh
Ur am-ssugiregh ghes aseksew ,rmigh
Ad annayegh aàerrim inurz ur ghiygh
Ttin-as ixweja n medden ,a yentew ad righ
Afus asen-uznegh bbin-t ' id nekkin cwigh '
Walu yafud ur ghuri mad fkigh
Asetta n war tawuri ag yad zligh
Da yi-yakka i widdegh ag rmigh
Ur ssugiregh ghes aseksew ,is ur ufigh
Tizzegzut d uwullu ag t-id-srugh.
Omar Zanifi ,Asif n Dades warzazate:zanifi@hotmail.com
